"ပန်းပွင့်နှင့်တူသောသူ "(ဆရာဒဂုန်တာရာ ကျဆုံးခြင်း ညှိုးငယ်စွာ ရေးစပ်သည်)
ကဗျာကို ချစ်သောသူ
ကဗျာက ချစ်သောသူ
လူထုကို ချစ်သောသူ
လူထုက ချစ်သောသူ
သူ....သူ..........။
တော်လှန်ရေးကို ကမ်းလင့်သူ
ဗဟိန်း အောင်ဆန်း ကိုချစ်တဲ့သူ
ပါတီကို ချစ်တဲ့သူ
ပါတီက အသိအမှတ်ပြုတဲ့သူ
လွတ်လပ်ရေးကို ချစ်တဲ့သူ
ငြိမ်းချမ်းရေးကို ချစ်တဲ့သူ
ဗဟိန်းကို ကဗျာဆရာဖြစ်စေချင်တဲ့သူ
ဗဟိန်းက တော်လှန်ရေးသမားဖြစ််စေချင်သူ
ပန်းပွင့်နှင့် တူသောသူ
သူ....သူချစ်တဲ့အရာတွေကို စွန့်ခွာ
ထာဝရငြိမ်းချမ်းရေးဆီ ရှိရာဆီ သွားလင့်ပြီ။
ဆရာ...မျိုးဆက်သစ်တွေ ပခုံးပြောင်း
တာဝန်တွေနဲ့ ဆရာ့ကိုနှုတ်ဆက်လိုက်ပါတယ်။
ဖေခိုင်သန်း(မြို့နီလေး)
Comments
Post a Comment